ایشیا کپ 2018 : بنگلہ دیش کا مقابلہ آج افغانستان سے ہوگا -
The news is by your side.

Advertisement

ایشیا کپ 2018 : بنگلہ دیش کا مقابلہ آج افغانستان سے ہوگا

ابوظہبی : ایشیا کپ کے چھٹے میچ میں آج بنگلہ دیش اور افغانستان کی ٹیمیں مدمقابل ہوں گی، دونوں ٹیمیں پہلے ہی سپر فور مرحلے کے لیے کوالیفائی کرچکی ہیں۔

تفصیلات کے مطابق ابوظہبی کے شیخ زید اسٹیڈیم میں بنگلہ دیش اور افغانستان کے درمیان میچ آج کھیلا جائے گا، میچ پاکستانی وقت کے مطابق شام ساڑھے 4 بجے شروع ہوگا۔

افغانستان اور بنگلہ دیش کی ٹیمیں پہلے ہی سپر فور مرحلے کے لیے کوالیفائی کرچکی ہیں اس میچ کا نتیجہ سپر فور مرحلے پر اثر انداز نہیں ہوگا۔

دونوں ٹیموں کے درمیان اب تک پانچ ون ڈے کھیلے جاچکے ہیں جن میں سے بنگلہ دیش نے تین اور افغانستان نے دو میں کامیابی حاصل کی ہے۔

بنگلا دیش کا ایشیا کپ میں فاتحانہ آغاز، سری لنکا کو عبرت ناک شکست

یاد رہے کہ رواں ہفتے 15 ستمبر کو ایشیا کپ کے پہلے میچ میں بنگلا دیش نے سری لنکا کو 137 رنز سے شکست دے کر فاتحانہ آغاز کیا تھا۔

مشفق الرحیم 144 رنز کی ناقابلِ شکست اننگز کے ساتھ ٹاپ اسکورر رہے تھے، انہیں بہترین کارکردگی دکھانے پر مین آف دی میچ کا ایوارڈ دیا گیا تھا۔

Comments

comments

یہ بھی پڑھیں