ایشیا کپ میں گزشتہ روز ہونے والا پاک بھارت میچ بارش کی وجہ سے بے نتیجہ ختم ہوا لیکن میچ کے دوران دوران 62 بریانی کی پلیٹوں کے آرڈر نے سب کو حیران و پریشان کر دیا۔
پاکستان اور بھارت وہ روایتی حریف ہیں جو کرکٹ کے میدان میں کہیں بھی مدمقابل ہوں دنیا کی توجہ مبذول ہو جاتی ہے۔ جذبات سے لبریز یہ میچ میدان میں ایسے کھیلا جاتا ہے جیسے کھیل نہیں بلکہ جنگ کا میدان ہو۔ گزشتہ روز ایشیا کپ میں پاک بھارت ٹاکرے پر بھی دونوں ممالک کی طرف ایسے ہی جذبات تھے لیکن بارش سے بے نتیجہ ختم ہونے والے میچ سے شائقین کرکٹ کو شدید مایوسی ہوئی تاہم میچ کے دوران بھارت میں ایک شخص کی جانب سے ایک ساتھ بریانی کی 62 پلیٹوں کا آرڈر سب کو حیران کر گیا۔
گزشتہ روز جب بھارتی اننگ میں میچ اتار چڑھاؤ سے شائقین کی دل کی دھڑکنیں گھٹا بڑھا رہا تھا ابتدائی چار وکٹیں گرنے کے مڈل آرڈر نے ٹوٹی بکھری بیٹنگ کو سہارا دے رہی تھی کہ ان ہی لمحات میں ایک بھارت فوڈ ڈلیوری سروس ‘سواگی’ کی جانب سے سماجی رابطے کی ویب سائٹ ایکس (سابقہ ٹوئٹر) پر ایک انوکھی پوسٹ نے سب کی توجہ سمیٹ لی۔
سواگی کی جانب سے پوسٹ کی گئی کہ بنگلور میں کسی شخص نے انہیں ایک ساتھ بریانی کی 62 پلیٹیں آرڈر کی ہیں۔
someone from bengaluru just ordered 62 units of biryanis?? who are you? where exactly are you? are you hosting a #INDvsPAK match watch-party?? can i come?
— Swiggy (@Swiggy) September 2, 2023
آن لائن ڈیلیوری سروس نے اس آرڈر کے حوالے سے مزید لکھا کہ آپ کون ہیں؟ کس جگہ پر ہیں؟ کیا آپ پاک بھارت میچ کی اسکریننگ کی میزبانی کر رہے ہیں؟ کیا میں بھی آ جاؤں؟
مذکورہ پوسٹ دیکھتے ہی دیکھتے وائرل ہو گئی اور اس پر دلچسپ تبصروں کا سلسلہ شروع ہو گیا۔
That was my order. Have you arrived yet?
— Narendra Modi (Parody) (@narendramodiAOC) September 2, 2023
ایک شخص نے اس پر تبصرہ کیا کہ آرڈر کرنے والے نے خواب میں بھارت کو جیتتے ہوئے دیکھ لیا ہے اور اسی خوشی میں دعوت کر بیٹھا ہے۔
Kisiko ab biryani hajam nahi hogi
— Miss.H🕊️ (@Husna_9221) September 2, 2023
ایک صارف نے لکھا کسی کو بریانی ہضم نہیں ہوگی، ایک نے بھارتی وزیراعظم کے نام سے جعلی ٹوئٹر پوسٹ سے لکھا کہ یہ میرا آرڈر تھا تم اب تک نہیں پہنچے۔
Not in mood for biryani pic.twitter.com/kVEx16Ved3
— Rutvik Makwana (@rutvikwrites) September 2, 2023