قومی ٹیم کے فاسٹ بولر حارث رؤف نے ون ڈے کرکٹ میں 50 وکٹیں مکمل کرلیں۔
فاسٹ بولر حارث رؤف نے ایشیا کپ کے سپر فور مرحلے میں بنگلہ دیش کے خلاف اپنے ون ڈے کرکٹ کی 50 وکٹیں مکمل کیں، بنگلہ دیش کے محمد نعیم ان کا 50واں شکار بنے۔
حارث رؤف نے اپنے27 ویں ون ڈے میچ میں 50 وکٹیں مکمل کرنے کا سنگِ میل عبور کیا۔وہ وقار یونس کے ساتھ مشترکہ طور پر ون ڈے میں 50 وکٹیں لینے والے تیسرے تیز ترین پاکستانی بولر ہیں۔
- Advertisement -
اس سے قبل فاسٹ بولر حسن علی نے 24، شاہین آفریدی نے 25 جبکہ وقار یونس نے بھی 27 ون ڈے میچز میں 50 وکٹیں مکمل کی تھیں۔
Haris Rauf 🤝 Waqar Younis pic.twitter.com/9tfTAJPqkK
— ESPNcricinfo (@ESPNcricinfo) September 6, 2023
واضح رہے کہ ایشیا کپ کے سپر فو ر مرحلے کے پہلے میچ میں آج پاکستان اور بنگلادیش کی ٹیمیں مدمقابل ہیں، حارث رؤف نے 4 وکٹیں حاصل کیں۔
