ایشیا کپ میں ادھورا رہ جانے والا پاک بھارت ٹاکرا شروع ہونے سے قبل شائقین کے لیے بری خبر ہے کہ حارث رؤف ان فٹ ہونے کے باعث آج میچ میں بولنگ نہیں کر سکیں گے۔
اے آر وائی نیوز کے مطابق ایشیا کپ کے سپر فور مرحلے میں گزشتہ روز ادھورے رہ جانے والے روایتی حریفوں کے پاک بھارت ٹاکرے کے دوبارہ شروع ہونے سے قبل پاکستانی شائقین کرکٹ کے لی بری خبر ہے کہ فاسٹ بولر حارث رؤف ان فٹ ہوگئے ہیں جس کی وجہ سے وہ آج میدان میں بولنگ نہیں کرائیں گے۔
بھارتی اسپورٹس صحافی وکرانت گپتا نے اپنی ٹویٹ میں کہا ہے کہ پی سی بی نے تصدیق کر دی ہے کہ حارث رؤف نگل کی وجہ سے اس میچ میں بولنگ نہیں کرائیں گے۔
گزشتہ روز حارث رؤف کو بولنگ کرتے ہوئے ٹانگ میں تکلیف ہوئی تھی۔ پی سی بی کا اس حوالے سے کہنا ہے کہ ان کی ایم آر آئی رپورٹ ٹھیک آئی ہے تاہم احتیاطاً وہ آج کے میچ میں بولنگ نہیں کریں گے۔
Pakistan have confirmed Haris Rauf won’t bowl in this match due to a niggle
Big setback for them. And an opportunity for India#AsiaCup #INDvPAK— Vikrant Gupta (@vikrantgupta73) September 11, 2023
واضح رہے کہ حارث رؤف نے گزشتہ روز 5 اوورز کرائے تھے اور بغیر کوئی وکٹ لیے 27 رنز دیے تھے۔
ایشیا کپ: میچ کون جیتے گا، پاکستان، بھارت یا پھر بارش؟
دوسری جانب کولمبو کے پریما داسا اسٹیڈیم میں بارش رک گئی ہے اور دھوپ نکل آئی ہے۔ امپائرز نے گراؤنڈ کا جائزہ لینے کے بعد میچ مقامی وقت کے مطابق 4 بجکر 10 منٹ پر شروع کرنے کا فیصلہ کیا ہے۔
