کولمبو: ایشیا کپ سے قبل بنگلا دیش کرکٹ ٹیم کو بڑا دھچکا لگ گیا، ٹیم کے اہم کھلاڑی پہلے میچ سے باہر ہوگئے۔
بنگلادیش کرکٹ بورڈ کے مطابق ٹیم کے وکٹ کیپر بیٹر لٹن داس وائرل بخار کی وجہ ایشیا کپ کے پہلے میچ سے باہر ہو گئے ہیں۔
رپورٹ کے مطابق وکٹ کیپر بیٹر لٹن داس وائرل بخار سے چھٹکارا نہ پا سکے جس کے بعد اسکواڈ میں ان کی جگہ انعام الحق کو شامل کر لیا گیا۔
- Advertisement -
ایشیا کپ سے قبل بھارتی ٹیم کو دھچکا، اہم کھلاڑی باہر
انعام الحق آج سری لنکا میں اسکواڈ کو جوائن کریں گے، ایشیا کپ میں بنگلا دیش سری لنکا کا میچ 31 اگست کو شیڈولڈ ہے۔
لٹن داس پچھلے کچھ سالوں سے بنگلہ دیش کے اہم بلے بازوں میں شامل ہیں، ان کی کمی بلاشبہ بنگال ٹائیگرز کو ایشیا کپ کے اپنے پہلے میچ میں محسوس ہو گی۔
واضح رہے کہ پاکستان اور نیپال کے درمیان ایشیا کپ کا پہلا میچ کل ملتان میں کھیلا جائے گا۔
