ایشیا کپ سے قبل بھارتی ٹیم کو دھچکا لگ گیا، وکٹ کیپر بیٹر کے ایل راہول ابتدائی دو میچز سے باہر ہوگئے۔
بھارتی میڈیا رپورٹس کے مطابق ٹیم کے بیٹر کے ایل راہول ایشیا کپ کے ابتدائی دو میچز سے باہر ہوگئے ہیں وہ پاکستان کے خلاف میچ میں بھی نہیں کھیل سکیں گے۔
کے ایل راہول ٹیم کے دیگر کھلاڑیوں کے ہمراہ کنڈیشنگ کیمپ میں شریک ہیں تاہم وہ 100 فیصد فٹنس ثابت نہیں کر سکے۔
راہول ڈریوڈ کا کہنا ہے کہ ایشیا کپ سپر فور مرحلے کے آغاز سے قبل چار ستمبر کو کے ایل راہول کی انجری کا دوبارہ جائزہ لیا جائے گا۔
میڈیا رپورٹس کے مطابق کے ایل راہول کی غیرموجودگی میں ایشان کشن کی وکٹ کیپنگ کرنے کا امکان ہے۔
بھارتی میڈیا کے مطابق کے ایل راہول ٹیم کے ہمراہ سری لنکا جائیں گے۔
واضح رہے کہ ایشیا کپ کا پہلا میچ کل کھیلا جائے گا جب کہ ایونٹ میں پاکستان اور بھارت کے درمیان میچ 2 ستمبر کو شیڈول ہے۔