ایشیا کپ کے سپر فور مرحلے میں بھارت ہاتھوں شرم ناک شکست پر قومی ٹیم کے سابق کپتان شاہد آفریدی بھی سیخ پا ہو گئے۔
ایشیا کپ کے سپر فور مرحلے میں بارش سے متاثرہ میچ میں بھارت نے پاکستان کو 228 رنز کی بڑی اور شرمناک شکست سے دوچار کیا۔ میچ میں نہ پاکستان کی بولنگ چل سکی اور نہ ہی بیٹنگ نے کوئی کمال دکھایا جب کہ ناقص فیلڈنگ نے بھارت کو پہاڑ جیسا ہدف دینے کا موقع فراہم کیا۔
پاکستان کی رنز کے حساب سے تاریخ کی دوسری بدترین شکست نے سابق قومی کپتان اور مایہ ناز آل راؤنڈر شاہد خان آفریدی کو بھی سیخ پا کر دیا اور سماجی رابطوں کی ویب سائٹ ایکس (سابق ٹوئٹر) پر اپنے جذبات کا اظہار کر دیا۔
شاہد آفریدی نے اپنے ٹویٹ میں لکھا کہ کھیل میں جیت اور ہار مقابلے کا حصہ ہے لیکن جیت کے حصول کے لیے نہ لڑنا افسوسناک ہے۔ اس میچ میں بھارت نے پاکستان کے خلاف ہر شعبے میں بہترین کاکردگی دکھائی۔
سابق کپتان نے اظہار برہمی کے ساتھ اسی ٹویٹ میں پاکستانی ٹیم کا حوصلہ بھی بڑھایا اور کہا کہ آپ اگلے میچ میں اچھی کاردکرگی دکھا سکتے ہیں۔
Winning/losing is part of competing, but not putting up a fight, not showing intent to win is just poor. Exactly what I was referring to in my previous tweet.
India played as #1 on the field, batting & bowling. Congrats @imVkohli on achieving another dream milestone of ODI runs…— Shahid Afridi (@SAfridiOfficial) September 11, 2023
شاہد آفریدی نے میچ میں شاندار کامیابی کا مظاہرہ کرنے پر ویرات کوہلی اور کے ایل راہول کو سنچریز بنانے پر مبارکباد بھی پیش کی۔
واضح رہے کہ گزشتہ روز بھارت کے 357 رنز کے پہاڑ جیسے ہدف کے تعاقب میں پاکستان ٹیم 128 رنز پر ڈھیر ہوگئی جس نے اس کے فائنل میں پہنچنے کے امکانات پر سوالیہ نشان لگا دیا ہے۔
