شارجہ: قومی ٹیم کے سابق کپتان وسیم اکرم نے محمد رضوان کی بیٹنگ پر کڑی تنقید کردی.
اے آر وائی نیوز کے مطابق سابق کپتان اور پی ایس ایل کی ٹیم کراچی کنگز کے صدر وسیم اکرم نے محمد رضوان کی بیٹنگ پر تنقید کرتے ہوئے کہا کہ ’57 گیندوں پر 78 ناٹ آؤٹ جانے کا کوئی فائدہ نہیں ہے۔
سابق کپتان نے کہا کہ میرے نزدیک رضوان کا ناٹ آؤٹ جانا بے سود ہے اگر وہ تھکے ہوئے ہیں تو کچھ باؤنڈریز لگا کر آؤٹ ہوجائیں اور پاور ہٹرز کو کھیلنے کا موقع دیں۔
انہوں نے کہا کہ آپ کے پاس لائن اپ میں آصف علی، افتخار ، محمد نواز ، شاداب خان ہیں، آپ کی بیٹنگ آٹھویں نویں نمبر تک ہے۔‘
7️⃣8️⃣ not out
5️⃣7️⃣ balls
6️⃣ fours
1️⃣ six@iMRizwanPak is the player of the match today for his stellar knock 🏆#AsiaCup2022 | #PAKvHK pic.twitter.com/zVC13TrMUW— Pakistan Cricket (@TheRealPCB) September 2, 2022
وسیم اکرم نے مزید کہا کہ ’اس فارمیٹ میں 57 گیندوں پر 78 رنز بناکر ناٹ آؤٹ جانے کا کیا فائدہ ہے معاف کیجئے گا مجھے یہ پسند نہیں آیا۔‘
واضح رہے کہ گزشتہ روز ہانگ کانگ کے خلاف میچ میں محمد رضوان نے میچ میں 57 گیندوں پر 78 رنز بنائے اور مین آف دی میچ قرار پائے۔
ایشین کرکٹ کونسل کے مطابق سپر فور کوالیفکیشن میں بھارت اے 1 ہے جبکہ پاکستان اے 2 قرار پایا ہے۔ بی 1سری لنکا اور بی 2 افغانستان کی ٹیم ہے۔
سپر فور کے پہلے میچ میں آج شارجہ میں سری لنکا اور افغانستان کی ٹیمیں مد مقابل ہوں گی جبکہ کل قومی ٹیم روایتی حریف بھارت سے ٹکرائے گی۔