لاہور: ٹریفک پولیس نے ایشیا کپ کے لیے فول پروف ٹریفک انتظامات کو حتمی شکل دے دی۔
تفصیلات کے مطابق سی ٹی او لاہور نے کہا ہے کہ شائقین کرکٹ اور شہریوں کو ایشیا کپ کے دوران ٹریفک کا کوئی مسئلہ پیش نہیں آئے گا۔
سی ٹی او مستنصر فیروز کے مطابق ہوٹل سے قذافی اسٹیڈیم اور اسٹیڈیم سے ہوٹل تک ٹیموں کو زیرو روٹ دیا جائے گا، اور ٹیموں کی موومنٹس کے دوران سڑکوں کو کم سے کم وقت کے لیے بند کیا جائے گا۔
گورنمنٹ کالج فار بوائز، لبرٹی پارکنگ ایریا، ایل ڈی اے سن فورٹ ہوٹل پارکنگ کے لیے مختص کیے گے ہیں، میچز کے دوران مال روڈ، جیل روڈ، کینال روڈ پر ٹریفک معمول کے مطابق چلتی رہے گی۔
سی ٹی او لاہور کے مطابق فیروزپور روڈ، مین بلیوارڈ گلبرگ روڈ پر ٹریفک معمول کے مطابق رواں دواں ہوگی، مجموعی طور پر 2 ہزار سے زائد ٹریفک اہلکار ڈیوٹی سر انجام دیں گے، جب کہ غلط پارکنگ کے خاتمے کے لیے 20 فورک لفٹرز اور 3 بریک ڈاؤنز بھی تعینات ہوں گے۔
