ایشین گیمز مینز کرکٹ کا فائنل بارش کے باعث منسوخ ہوگیا جس کے بعد بھارتی ٹیم کو فاتح قرار دیدیا گیا۔
بھارت نے 19 ویں ایشین گیمز کے کرکٹ ٹورنامنٹ میں گولد میڈل جیت لیا، فائنل مقابلہ آج بھارت اور افغانستان کے درمیان تھا۔
18.2 اوور میں افغانستان نے 5 وکٹ کے نقصان پر 112 رن بنائے تھے جس کے بعد بارش شروع ہو گئی۔
- Advertisement -
بارش کے بعد میچ دوبارہ شروع نہیں ہو سکا اور ٹورنامنٹ میں بہترین رینک کے باعث بھارت نے گولڈ میڈل اپنے نام کرلیا۔
بھارتی مینز کرکٹ ٹیم نے ایشیین گیمز میں پہلی بار شمولیت اختیار کی اور اپنے پہلے ڈیبیو پر گولڈ میڈل جیت لیا، کرکٹ گزشتہ دو ایشین گیمز (2010، 2014) میں کھیلی جا چکی ہے، لیکن بھارت نے دونوں بار اس میں حصہ نہیں لیا۔
دریں اثنا افغانستان کی ٹیم نے ایشین گیمز مینز کرکٹ میں اپنا مسلسل تیسرا چاندی کا تمغہ جیتا۔
