دبئی: افغانستان کی ٹیم سے فتح چھیننے والے آصف علی کی شاندار بیٹنگ کا ہر سو چرچا ہے۔
میچ کے آخری لمحات میں شدید دباؤ کے باوجود ایک بار پھر اپنی جارحانہ بیٹنگ سے قومی ٹیم کو ٹی ٹوینٹی میچ میں فتح دلوانے والے کرکٹر آصف علی کی پاکستان کرکٹ بورڈ کے چیئرمین رمیز راجہ بھی تعریف کیے بغیر نہیں رہ سکے۔
میچ میں فتح کے بعد سماجی رابطے کی ویب سائٹ پر رمیز راجہ نے اپنے ٹویٹ میں آصف علی کی بیٹنگ کی تعریف کرتے ہوئے کہا کہ آصف نے بہت خوبصورتی کے ساتھ پریشر اور سنسنی خیز مرحلے میں بھی جارحانہ کھیل پیش کیا۔
چیئرمین پی سی بی نے فتح پر ٹیم کے تمام کھلاڑیوں کو مبارک باد پیش کی اور کامیابی کے سلسلے کو جاری رکھنے پر زور دیا۔
#asifyoubeauty incredible hitting under pressure. Sensational 👏👏Congrats boys keep up the good work. #PakistanZindabad
— Ramiz Raja (@iramizraja) October 29, 2021
دوسری جانب قومی کرکٹ ٹیم کے ٹیسٹ کرکٹر فواد عالم نے پاکستانی ٹیم اور قوم کو مبارک باد دیتے ہوئے اللہ کا شکر ادا کیا۔ انہوں نے آصف علی کو مخاطب کرتے ہوئے لکھا کہ کیا شارٹ کھیلے ہیں۔
Congratulations team Pakistan and the entire nation on another victory Alhamdulillah! What a knock by @AasifAli2018 🙌🏼
Pakistan Zindabad 🇵🇰 #PakvsAfg pic.twitter.com/i9BGZx5E6k— Fawad Alam (@iamfawadalam25) October 29, 2021
گلوکار فلک شبیر نے بھی آصف علی کی بیٹنگ کی تعریف کرتے ہوئے پنجابی میں لکھا ’واہ واہ تسی چھا گئے ہو‘۔
Wah wah wah @AasifAli2018 tussi cha gye o what a match 👏👏👏👏
Well played @ACBofficials #AfgvsPak pic.twitter.com/mxEUO2Jizw— Falak Shabir (@FalakShabir1) October 29, 2021
