The news is by your side.

Advertisement

بھٹو صاحب اور بی بی آج بھی مجھ سے باتیں کرتے ہیں، آصف زرداری

نواب شاہ : سابق صدر آصف زرداری نے کہا ہے کہ مجھے آنے والی نسلوں کا سوچنا ہے، آج بھی بھٹو صاحب اور بی بی بے نظیر مجھ سے بات کرتی ہیں۔

یہ بات انہوں نے نواب شاہ میں ہونے والے ظہرانے کی ایک تقریب میں کارکنان سے خطاب کرتے ہوئے کہی، انہوں نے کہا کہ مجھے آنے والی نسلوں کا سوچنا ہے۔

آصف زرداری کا کہنا تھا کہ مجھے فکر ہے کہ آنے والے پندرہ سالوں میں کیا ہوگا، ہم نے قربانیاں دیں اور سیاست سے رشتہ جوڑا۔

انہوں نے اپنے خطاب میں کارکنان کو بتایا کہ آج بھی شہید ذوالفقارعلی بھٹو اور شہید بی بی بے نظیر مجھ سے بات کرتی ہیں۔

سابق صدر نے کہا کہ میں پہلے دن سے کہہ رہا ہوں کہ ملک میں نیب چلے گی یا سیاست، آج ڈالر کہاں سے کہاں پہنچ چکا ہے، ضرورت ہی نہیں تھی ڈیویلویشن کرنے کی۔

انہوں نے کہا کہ ہمارے ملک کا قرضہ 30 ارب تھا جو آج بڑھ کر 60 ارب تک ہوگیا ہے، میں نے کل ڈیڑھ سال بعد نواب شاہ شہر کا دور کیا۔

آصف زرداری نے کہا کہ اس ڈیڑھ سال کے کچھ عرصہ جیل میں رہنے کا بھی تھا، میں دعا کرتا ہوں کہ اللہ ہم سب کو ایمان دے، ہم سب مل کر ملک کو مسائل سے نکالیں گے۔

Comments

یہ بھی پڑھیں