site
stats
پاکستان

امریکی وفد کا دورہ پاکستان خوش آئند ہے، آصف علی زرداری

Asif Zardari

کراچی : پیپلز پارٹی کے شریک چیئرمین اور سابق صدر آصف علی زرداری نے کہا ہے کہ امریکی کانگریس کے ارکان کا دورہ پاکستان دونوں ممالک کے درمیان تعلقات کو دوبارہ استوار کرے گا۔

تفصیلات کے مطابق امریکی کانگریس کے ممبران جان مکین اور دیگر کے دورہ پاکستان کو خوش آئند قرار دیتے ہوئے سابق صدر آصف علی زرداری نے اپنے جاری کردہ ایک بیان میں کہا کہ امریکی وفد نے دہشت گردی اورانتہا پسندوں کے خلاف آپریشن ضرب عضب کو سراہا ہے۔

انہوں نے کہا کہ باقی دنیا کو بھی دہشت گردی کے خلاف پاکستان کی قربانیوں کو سراہنا چاہیئے۔
سابق صدرکا کہنا تھا کہ دہشت گردی کے خلاف پاکستان نے سب سے زیادہ نقصان اٹھایا،امریکی کانگریس کی جانب سے پاکستانی کوششوں اور قربانیوں کو تسلیم کیا جانا اچھا اقدام ہے۔ اس سوچ سے دونوں ممالک کے درمیان غلط فہمیاں ختم کرنے میں مدد ملے گی۔

سابق صدرکا کہنا تھا کہ پاکستان پیپلز پارٹی ہر فورم پر دنیا کو باور کراتی رہے گی کہ پاکستان نے دہشت گردی کے خلاف جنگ میں عظیم قربانیاں دی ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top