اسلام آباد: پی پی پی کے شریک چیئرمین آصف زرداری کی نااہلی کے لئے پی ٹی آئی کی درخواست پر بینچ تشکیل دے دیا گیا.
تفصیلات کے مطابق پی ٹی آئی رہنما عثمان ڈار کی درخواست پر سابق صدر آصف زرداری کی نااہلی کی درخواست پر کل سماعت ہوگی.
درخواست پر ابتدائی سماعت چیف جسٹس اسلام آباد ہائیکورٹ کریں گے، رجسٹرار آفس کے اعتراضات کے ساتھ کل سماعت کی جائے گی.
رجسٹرار آفس کی جانب سے عثمان ڈار کے وکلا کو آگاہ کر دیا گیا، عثمان ڈار کی درخواست پر کل ہائیکورٹ میں سماعت صبح 9 بجے ہوگی، رجسٹرار آفس نے عثمان ڈار کی درخواست پر 1551 نمبر الاٹ کیا.
خیال رہے کہ پیپلز پارٹی کے شریک چیئرمین کے خلاف اثاثے چھپانےاور غیرقانونی بلٹ پروف گاڑی رکھنے کے الزام پر نااہلی کے لئے درخواست دائر کی گئی تھی۔
مزید پڑھیں: اسلام آباد ہائی کورٹ میں آصف زرداری کی نااہلی کیلئے درخواست دائر
پی ٹی آئی رہنماؤں نے موقف اختیار کیا تھا کہ آصف زرداری پارٹی چیئرمین شپ اور پارٹی عہدے کے لیے اہل نہیں، قومی اسمبلی کی نشست کے لیے بھی تاحیات نااہل قرار دیا جائے۔
درخواست میں آصف زرداری، الیکشن کمیشن اورسیکریٹری قومی اسمبلی کوفریق بنایا گیا.
