کراچی سینٹرل جیل میں صدر مملکت آصف علی زرداری کی صحتیابی کے لیے قرآن خوانی اور دعا کرائی گئی ہے۔
تفصیلات کے مطابق سینٹرل جیل کی مدینہ مسجد میں ہونے والی تقریب میں ڈی آئی جی جیل کراچی محمد حسن سھتو،ا یس ایس پی عبدل کریم عباسی اور دیگر افسران نے شرکت کی۔
سینٹرل جیل کی مدینہ مسجد میں اعلیٰ جیل حکام کی موجودگی میں صدر مملکت آصف علی زرداری کی صحتیابی کے لیے قرآن خوانی اور دعا کرائی گئی ہے۔
صدر مملکت آصف زرداری کی طبیعت اچانک خراب، نجی اسپتال منتقل
خیال رہے کہ صدر آصف زرداری کو نواب شاہ سے کراچی کے نجی اسپتال منتقل کیا گیا تھا جہاں ان کے میڈیکل ٹیسٹ کیےگئے۔
اسپتال ذرائع کے مطابق صدر آصف زرداری کو انفیکشن اور بخار کی وجہ سے اسپتال میں داخل کیا گیا ہے، جہاں ٹیسٹ کے بعد ان میں کورونا کی تشخیص ہوئی تھی۔
طبعیت خراب ہونے پر وزیراعظم شہباز شریف نے بھی صدر مملکت آصف زرداری سے رابطہ کیا اور ان کی خیریت دریافت کی تھی۔
وزیراعظم نے کہا کہ پوری قوم کی دعائیں آپ کے ساتھ ہیں، اللہ آپ کو جلد صحت کاملہ عطا فرمائے، دوسری جانب ورنرسندھ کامران ٹیسوری نے صدر مملکت آصف زرداری کے معالج ڈاکٹر عاصم کو ٹیلی فون کیا اور صدر کی خیریت معلوم کی، ساتھ ہی نیک خواہشات کا اظہار کیا۔
