اسلام آباد: سابق صدر، پیپلز پارٹی کے شریک چیئرمین اور اتحادی جماعتوں کے صدارتی امیدوار آصف علی زرداری کے کاغذات نامزدگی منظور ہوگئے۔
تفصیلات کے مطابق الیکشن کمیشن میں صدارتی امیدواروں کے کاغذات نامزدگی کی پڑتال ہوئی، صدراتی امیدوار آصف زرداری کی طرف فاروق نائیک اور سینیٹر شہادت اعوان الیکشن کمیشن پہنچے۔
فاروق ایچ نائیک کا کہنا تھا آصف زرداری کے کاغذات نامزدگی پراعتراض عائد نہیں کیا گیا، نمبر پورے ہیں، آصف زرداری دوسری بار صدر منتخب ہوں گے۔
خیال رہے صدارتی الیکشن 9 مارچ کو ہوگا، صدارتی انتخاب کے لیے پولنگ صبح دس سے شام پانچ بجے تک پارلیمنٹ ہاؤس اور چاروں صوبائی اسمبلیوں میں ہوگی۔
واضح رہے کہ سنی اتحاد کونسل کی جانب سے محمود اچکزئی کو صدارتی امیدوار نامزد کیا گیا ہے۔
