اسلام آباد: آصف کرمانی نے مسلم لیگ ن سے باقاعدہ علیحدگی کا اعلان کر دیا۔
تفصیلات کے مطابق مسلم لیگ ن کے صدر اور سابق وزیراعظم نواز شریف کے سابق پولیٹیکل سیکرٹری آصف کرمانی نے پارٹی چھوڑنے کا اعلان کر دیا۔
آصف کرمانی نے ایک بیان میں کہا کہ کافی عرصہ سے خود کو ن لیگ کے سیاسی معاملات سے علیحدہ کر چکا تھا، عوام مہنگائی اور بجلی کے بلوں سے مر رہے ہیں، خوشامدی ٹولہ سب اچھا کی گردان کر رہا ہے۔
آصف کرمانی کا کہنا تھا کہ نواز شریف صاحب! سب اچھا نہیں ہے، تفصیلی بیان جلد جاری کروں گا۔
