سندھ اور خیبر پختوان خوا کے درمیان نیشنل ٹی ٹوئنٹی کپ کے فائنل مقابلے میں فاسٹ بولر آصف محمود کی زبردست یارکر سے اسٹمپ کے دو ٹکڑے ہوگئے جس کی ویڈیو کافی وائرل ہو رہی ہے۔
پاکستان کرکٹ بورڈ کے آفیشل ٹوئٹر اکاؤنٹ سے شیئر کی گئی ویڈیو میں دیکھا جا سکتا ہے کہ سندھ کی ٹیم کے آصف محمود نے خیبر پختوان خوا کے عمران جونیئر کو یارکر سے آؤٹ کر کے پویلین واپس بھیج دیا۔
فاسٹ بولر کی شاندار یارکر سے اسٹمپ کے دو ٹکڑے ہوگئے۔ اس دلچسپ مرحلے کی ویڈیو کو سوشل میڈٰیا ہزاروں صارفین نے نہ صرف دیکھا بلکہ آصف محمود کی تعریفوں کے پُل باندھ دیے۔
نیشنل ٹی ٹوئنٹی کپ کے اس فائنل مقابلے میں سندھ نے دفاعی چیمپئن خیبر پختون خوا کو 8 وکٹوں سے ہرا کر پہلی بار ٹائٹل اپنے نام کیا۔
https://twitter.com/TheRealPCB/status/1571897492790206467?s=20&t=70I5wsGFO1qNBs010oeJQw
