اسلام آباد: احتساب عدالت نے سابق صدر آصف علی زرداری کو 16 برس بعد غیر قانونی اثاثہ جات ریفرنس سے بری کردیا۔
تفصیلات کے مطابق پیپلز پارٹی کے شریک چیئرمین اور سابق صدر آصف علی زرداری پر غیر قانونی اثاثہ جات بنانے سے متعلق ریفرنس دائر تھا جس میں بریت کے لیے آصف زرداری کے حق میں پی پی رہنما فاروق ایچ نائیک نے درخواست دائر کی ہوئی تھی، اب انہیں اس مقدمے سے بری کردیا گیا ہے۔
یہ ریفرنس احتساب عدالت کے جج خالد محمود کی عدالت میں زیر سماعت تھا، جس میں دونوں طرف کے دلائل سننے کے بعد احتساب عدالت نے انہیں بری کردیا۔
