The news is by your side.

Advertisement

زرداری بزنجو ملاقات: سابق صدر چیئرمین سینیٹ کے لیے پُرامید، بلوچستان کے لیے گنجائش نکالنے کا اشارہ

کراچی: وزیر اعلیٰ بلوچستان عبد القدوس بزنجو نے پاکستان پیپلز پاٹی کے شریک چیئرمین آصف زرداری سے ملاقات کی جس دوران سابق صدر نے چیئرمین سینیٹ سے متعلق بلوچستان کے لیے گنجائش نکالنے کا اشارہ دے دیا۔

تفصیلات کے مطابق پاکستان تحریک انصاف کی تیرہ سینیٹ نشستوں کی حمایت حاصل کرنے کے بعد وزیر اعلیٰ بلوچستان عبد القدوس بزنجو نے آصف زرداری سے چیئرمین سینیٹ سے متعلق ملاقات کی اس دوران سابق صدر نے بلوچستان سے متعلق مثبت رائے کا اظہار کیا۔

وزیر اعلیٰ بلوچستان عبد القدوس بزنجو کے ہمراہ میڈیا سے گفتگو کرتے ہوئے آصف زردای نے کہا کہ بلوچستان کے لیے گنجائش کی راہ سوچ رہے ہیں تاہم بلاول بھٹو چیئرمین سینیٹ کی تعیناتی سے متعلق حتمی فیصلہ کریں گے، چیئرمین سینیٹ کے لیے ہمارے پاس وننگ ووٹ ہیں۔

عمران بزنجو ملاقات: پی ٹی آئی کی 13 سینیٹ نشستیں بلوچستان کو دینے کا اعلان

عمران خان سے ہاتھ ملانے سے متعلق سوال پر انہوں نے کہا کہ کبھی کبھی سیاست لوگوں سے عجیت امتحان لیتی ہے اور ابھی تو سیاست شروع ہوئی ہے، جہاں تک بات ہے فیصلے کی تو یہ سب دوستوں سے مشاورت سے ہی ہوگا۔

سابق چیئرمین رضا ربانی سے متعلق تبصرہ کرتے ہوئے آصف زرداری نے کہا کہ انہوں نے نواز شریف کی آئینی خلاف ورزیوں کو نظر انداز کیا، 18ویں ترمیم ہوئی تو ہمارے تحفظات دو نہیں کیے گئے یہی وجہ ہے کہ نواز شریف کی رضا ربانی سے زیادہ قربت ہے۔

سابق صدر نے کہا کہ عبد الغفور حیدری کو بلوچ ہونے کی وجہ سے ڈپٹی چیئرمین بنایا تھا۔ سینیٹ انتخابات میں مسلم لیگ (ن) کسی اور کو نظر میں رکھ کر اکثریت کا دعویٰ کر رہی تھی، لیکن اب (ن) لیگ سے پوچھیں تو ان کی رائے مختلف ہوگی۔

سینیٹ انتخابات: ن لیگ کے حمایت یافتہ 15، پیپلزپارٹی کے 12، پی ٹی آئی کے 6 امیدوار کامیاب

اس موقع پر وزیر اعلیٰ بلوچستان عبد القدوس بزنجو نے کہا کہ ملاقات میں آصف زرداری کو اختیار دے دیا ہے اب وہ جو چاہیں فیصلہ کریں، چیئرمین سینیٹ کی تعیناتی کے لیے ہم نے ان سے سپورٹ مانگی ہے۔

خیال رہے کہ آج پی ٹی آئی چیئرمین عمران خان نے بھی وزیر اعلی بلوچستان سے ملاقات کی جہاں انہوں نے اہم فیصلہ لیتے ہوئے پی ٹی آئی کی 13 سینیٹ نشستیں بلوچستان کے حوالے کرنے کا اعلان کر دیا ہے جس کے بعد اب صوبے کی پوزیشن مستحکم دکھائی دیتی ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں