site
stats
پاکستان

شریف خاندان کو مستقبل کی سیاست میں نہیں دیکھ رہا: زرداری

asif zardari

لاہور: پیپلز پارٹی کے شریک چیئرمین آصف زرداری کا کہنا ہے کہ آئین کے آرٹیکل 62، 63 کا معاملہ پارلیمنٹ میں آیا تو جائزہ لیں گے۔ شریف خاندان کو مستقبل کی سیاست میں نہیں دیکھ رہا۔

تفصیلات کے مطابق پیپلز پارٹی کے چیئرمین بلاول بھٹو زرداری اور شریک چیئرمین آصف علی زرداری نے بلاول ہاؤس لاہور میں پریس کانفرنس کی۔

ویڈیو دیکھیں:

اس موقع پر سابق صدر آصف علی زرداری کا کہنا تھا کہ نواز شریف کا طرز حکمرانی سیاسی نہیں تھا۔ ’شریف خاندان کو مستقبل کی سیاست میں نہیں دیکھ رہا‘۔

انہوں نے کہا کہ حکومت کا ساتھ کبھی نہیں دیا، ہم نے پارلیمنٹ کا ساتھ دیا تھا۔ ہم پارلیمنٹ اور جمہوریت کے ساتھ ہیں۔ ’ہم نے جمہوریت بچائی تھی، جمہوریت کے علاوہ پاکستان کا کوئی مستقبل نہیں‘۔

ان کا کہنا تھا کہ ہمارا مقصد ہے اپنی پوزیشن بنا کر پارٹی کی نظریاتی سیاست کریں۔ این اے 120 تو شروعات ہے اب ہم یہاں بیٹھے ہیں فرق پڑے گا۔

زرداری کا کہنا تھا کہ ہم نے 62، 63 ختم کرنے کی بات کی تو ان کی سمجھ میں نہیں آئی، اب یہ معاملہ پارلیمنٹ میں آیا تو جائزہ لیں گے۔


شریف خاندان کا ساتھ نہیں دیں گے

پریس کانفرنس سے خطاب کرتے ہوئے چیئرمین پیپلز پارٹی بلاول بھٹو زرداری کا کہنا تھا کہ شریف خاندان کو پیپلز پارٹی سے کسی ریلیف کی توقع ہے تو یہ ممکن نہیں۔

انہوں نے ایک بار پھر دو ٹوک اعلان کرتے ہوئے کہا کہ ہم نواز شریف اور ان کے خاندان کا ساتھ نہیں دیں گے۔ ’قوم جانتی ہے نواز شریف معصوم نہیں مجرم ہیں‘۔

بلاول کا کہنا تھا کہ ہمیشہ سے مؤقف رہا ہے کہ احتساب سب کا ہونا چاہیئے لیکن ایسا لگتا ہے کہ احتساب قوانین صرف پیپلز پارٹی کے لیے ہیں۔

انہوں نے اعلان کیا کہ وہ 19 اگست کو مانسہرہ اور 26 اگست کو اٹک میں جلسہ کریں گے۔


Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top