The news is by your side.

Advertisement

وزیراعظم کے خلاف عدم اعتماد، آصف زرداری اور شہباز شریف کے درمیان اہم ملاقات آج ہوگی

اسلام آباد : وزیراعظم کے خلاف تحریک عدم اعتماد کامیاب بنانے کیلئے سیاسی جوڑتوڑعروج پر ہے،آصف زرداری اور شہباز شریف کے درمیان اہم ملاقات آج ہوگی۔

تفصیلات کے مطابق حکومت کو گرانے کے مشن مین اپوزیشن رہنماؤں کی ملاقاتوں میں تیزی آگئی ، اپوزیشن لیڈر شہباز شریف آج سابق صدر آصف زرداری سے ملاقات کریں گے۔

ذرائع کا کہنا ہے پیپلزپارٹی کے شریک چیئرمین آصف زرداری اور اپوزیشن لیڈر شہبازشریف کی ملاقات بلاول ہاؤس لاہورمیں ہوگی، جس میں سیاسی صورتحال، تحریک عدم اعتماد،لانگ مارچ پرتبادلہ خیال ہوگا۔

سابق صدر آصف زرداری اپوزیشن لیڈر کے اعزازمیں عشائیہ بھی دیں گے۔

دوسری جانب آصف زرداری کی امیرجماعت اسلامی سراج الحق سےملاقات بھی آج شیڈول ہے، جس میں آصف زرداری حکومت کو گھر بھیجنے کے لیے سراج الحق سے تعاون مانگیں گے۔

گزشتہ روز آصف زرداری کی پی ڈی ایم کے سربراہ مولانا فضل الرحمان سے ملاقات ہوئی تھی ، جس میں تحریک عدم اعتماد کو کامیاب بنانے کیلئےمختلف آپشنز پر مشاورت کی گئی اور پی ٹی آئی کے ناراض ارکان کواعتماد میں لینے پر اتفاق کیا گیا۔

Comments

یہ بھی پڑھیں