تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

‘عمران خان بیانیے سے لوگوں کے جذبات بھڑکانے کی کوشش کررہا ہے’

سابق صدر اور پاکستان پیپلز پارٹی کے شریک چیئرمین آصف علی زرداری نے کہا ہے کہ عمران خان بیانیے سے لوگوں کے جذبات بھڑکانے کی کوشش کررہا ہے۔

اے آر وائی نیوز کے مطابق سابق صدر آصف علی زرداری بھی قومی اداروں کیخلاف مہم چلانے پر سامنے آگئے اور اپنے شدید ردعمل کا اظہار کیا ہے۔

سابق صدر آصف علی زرداری نے پی ٹی آئی چیئرمین اور سابق وزیراعظم عمران خان کی جانب سے قومی اداروں کیخلاف بیانات کو احتساب سے بچنے کی بھونڈی سازش قرار دیا ہے۔

اپنے ایک بیان میں انہوں نے کہا کہ عمران خان کی قومی اداروں کیخلاف بیان بازی کے پیچھے کرپشن کیسز اور فارن فنڈنگ کیس کا خوف ہے، وہ اپنے بیانیے سے لوگوں کے جذبات بھڑکانے کی کوشش کررہا ہے۔
آصف زرداری نے مزید کہا کہ پاک فوج نہ صرف سرحدوں کی محافظ بلکہ آئین کا تحفظ بھی ذمے داری ہے، عمران خان کے اس عمل کو برداشت نہیں کیا جائیگا اس کے چار سال کے دور میں ملک پیچھے کی جانب چلا گیا۔

واضح رہے کہ پی ٹی آئی چیئرمین عمران خان کے گزشتہ روز ایبٹ آباد میں جلسے سے خطاب کو وزیراعظم شہباز شریف نے بھی پاکستان کے خلاف سازش قرار دیا تھا۔

شہباز شریف نے اپنے بیان میں کہا تھا کہ ایبٹ آباد جلسہ میں ریاست پاکستان، آئین اور اداروں کو چیلنج کیا گیا، اداروں کے خلاف سازشی بیانیہ گھڑنے والا اصل میں میر جعفر اور میرصادق ہے۔

مزید پڑھیں: وزیراعظم نے عمران خان کے خطاب کو پاکستان کے خلاف سازش قرار دے دیا

انہوں نے کہا تھا کہ ریاست پاکستان، آئین اور اداروں کو چیلنج کرنے پر قانونی کارروائی کریں گے، عمران نیازی سیاست نہیں سازش کررہا ہے، عمران خان کی یہ سازش پاکستان کے خلاف ہورہی ہے، ایک شخص کی انا، تکبر، جھوٹ پر پاکستان قربان نہیں کرسکتے، پہلے عمران نیازی نے پاکستان کی معیشت ڈبونے کی سازش کی، اب ملک میں خانہ جنگی کرانے کی کوشش کررہا ہے۔

Comments

- Advertisement -