سابق صدر آصف علی زرداری نے کہا ہے کہ میں نے مراسلہ نہیں پڑھا لیکن وہ عمران خان کا سیاسی ڈراما ہے جب کہ ہم صدر علوی کو ہینڈل کرلیں گے۔
پی پی پی کے شریک چیئرمین اور سابق صدر آصف علی زرداری نے اپنی پریس کانفرنس میں ان دنوں ملک میں زیربحث بیرونی سازش پر اظہار خیال کرتے ہوئے کہا کہ ماضی میں اتنی سازش ہوتی رہی کہ ہمارےخون میں آگیا کہ ہر چیز میں سازش تلاش کرتے ہیں، میں نے مراسلہ نہیں پڑھا لیکن یہ سب عمران خان کا سیاسی ڈراما ہے۔
آصف زرداری نے کہا کہ امریکی صدر بائیڈن میرا دوست ہے ایسی بات ہوتی تو وہ مجھے فون کرتا، اگر یہ بات تھی تو کیا ہمیں کہیں سے فائدہ ہوا، ایسا نہیں ہے، ہمیں تو کوئی پیکج نہیں ملا وہ خود اسوقت معاشی مسائل سے دوچار ہیں، امریکا کو کیا پڑی کیا اسکے پاس ہمارے لئے اتنا وقت ہے، امریکا کو تو خود اس وقت ڈالر پر دباؤ اور روس یوکرین جنگ کی صورتحال کا سامنا ہے۔
Karachi: Former President Asif Ali Zardari's News Conference
آصف زرداری نے مراسلے کو عمران خان کا سیاسی ڈرامہ قرار دیدیاhttps://t.co/mgFouST0nu#ARYNews— ARY Videos (@ARYVideos) May 11, 2022
ان کا کہنا مراسلے کے حوالے سے مزید کہنا تھا کہ عام طورپر امریکی اہلکار ایسی زبان استعمال نہیں کرتے اور میرا نہیں خیال اسٹیٹ ڈیپارٹمنٹ کا اہلکار ایسی غیرسفارتی گفتگو کرسکتا ہے، یہ سفارتی گفتگو ہوتی ہے، مراسلہ سراسر سیاسی بیانیہ ہے اور یہ کہانی انہوں نے خود گھڑی ہے کیونکہ ان کی مدت پوری نہیں ہورہی تھی بلکہ سسک رہی تھی۔
صدر پاکستان ڈاکٹر عارف علوی کے حوالے سے آصف علی زرداری نے کہا کہ علوی صاحب ڈینٹسٹ ہیں ان کی سوچ کم ہے ان کو کیا پتہ سیاست کیا ہے، ہم علوی صاحب کو ہینڈل کرلیں گے۔
