لڑکیاں حجاب پہن کر5نمبر زیادہ لیں گی،تو لڑکے کیا کریں؟ آصفہ بھٹو -
The news is by your side.

Advertisement

لڑکیاں حجاب پہن کر5نمبر زیادہ لیں گی،تو لڑکے کیا کریں؟ آصفہ بھٹو

لاہور : پنجاب کے تعلیمی اداروں میں لڑکیوں کیلئے حجاب کے حکم پر آصفہ بھٹو نے پنجاب حکومت کو شدید تنقید کا نشانہ بنایا ہے۔

تفصیلات کے مطابق پنجاب کے تعیمی اداروں میں حجاب پہننے پر لڑکیوں کو اضافی نمبر دینے کی سفارش کو آصفہ بھٹو زرداری نے شدید تنقید کا نشانہ بنایا ہے۔

سماجی رابطے کی ویب سائٹ ٹوئٹر پر اپنے پیغام میں آصفہ بھٹو کا کہنا تھا کہ لڑکیاں حجاب پہن کر اضافی نمبر حاصل کرسکیں گی تو لڑکوں کو اس کیلئے کیا کرنا ہوگا ؟ دوسرے مذاہب کے طلبا زیادہ مارکس لینے کیلئے کیا کریں۔

asif

آصفہ بھٹوز رداری کا مزید کہنا تھا کہ صرف حجاب پہننا ہی گریڈز پر کیوں اثر انداز ہوگا۔


پنجاب بھر کے کالجوں میں طالبات کے لیے حجاب لازم کرنے کی سفارش


یاد رہے کہ گذشتہ روز محکمہ ہائر ایجوکیشن نے پنجاب بھر کے کالجوں میں طالبات کے لیے حجاب لازم کرنے کی سفارش کی تھی ، ہائر ایجوکیشن کے وزیر نےکالجز میں زیرتعلیم حجاب پہننے والی طالبات کی حوصلہ افزائی کے لیے 5 فیصد اضافی حاضری کی سہولت دینے کی سفارش بھی کی تھی۔

بعد ازاں پنجاب حکومت کے ترجمان نے خبر کی تردید کرتے ہوئے کہا تھا کہ ’’حجاب کی شرط وزیر کی اپنی سوچ ہے اس ضمن میں پنجاب حکومت کی کوئی پالیسی زیر غور نہیں جبکہ وزیر قانون رانا ثناء اللہ نے کہا کہ ’’وزیر کی بات کو غلط نشر کیا گیا یہ اُن کی اپنی سوچ ضرور ہے مگر حکومتی سطح پر اس قسم کی کوئی بات قابلِ غور نہیں ہے۔

دوسری جانب پنجاب کے کالجز میں حجاب لازمی قرار دینے کی تجویز جیسے ہی سامنے آئی ، لوگوں میں نئی بحث چھڑ گئی، لوگوں نے یہ سوال بھی اٹھایا اگر اس حکم پر عمل ہواتودوسرےمذاہب کے طلبا کیا کریں گے۔

ایک خاتون نے بتایا حجاب پہنے کے رجحان میں اضافہ ہورہا ہے جبکہ ایک دکاندار کا کہنا تھا کہ مارکیٹ میں اسکارف اور حجاب کے مختلف ڈیزائن موجود ہیں۔

Comments

comments

یہ بھی پڑھیں