The news is by your side.

Advertisement

ایشوریا رائے کی بیٹی کی کرونا رپورٹ آگئی

ممبئی: بالی ووڈ‌ اداکارہ ایشوریا رائے بچن کی بیٹی آرادھیا بچن کی کرونا رپورٹ آگئی.

بھارتی میڈیا رپورٹس کے مطابق بالی ووڈ اسٹار ابھیشک بچن اور ایشوریا رائے کی بیٹی آرادھیا بچن نے کرونا وائرس کو شکست دے دی، آرادھیا کی کرونا رپورٹ منفی آگئی.

واضح رہے کہ چند روز قبل بالی ووڈ کے شہنشاہ امیتابھ بچن ان کے بیٹے ابھیشک بچن ، ابھیشک کی اہلیہ ایشوریارائے بچن اور بیٹی آرادھیا بچن کرونا وائرس میں‌ مبتلا ہوگئے تھے.


بیٹی کے صحت یاب ہونے پر ابھیشک بچن ان کی اہلیہ ایشوریا رائے نے مداحوں کی جانب سے صحت یابی کی دعا کرنے پر ان کا شکریہ ادا کیا ہے.

ابھیشک، ایشوریا کا کہنا ہے کہ کرونا وائرس سے صحتیابی کے بعد آرادھیا کو اسپتال سے ڈسچارج کردیا گیا اور وہ اب گھر میں موجود ہیں جبکہ امیتابھ بچن تاحال اسپتال میں زیر علاج ہیں.

واضح رہے کہ 12 جولائی کو بالی ووڈ‌اسٹارز کا کرونا پازیٹو ہوگئے تھے، ایشوریا اور آرادھیا بچن گھر میں‌ قرنطینہ تھیں‌ جبکہ ابھیشک اور ان کے والد امیتابھ بچن ناناوتی اسپتال میں‌ زیر علاج ہیں.

امیتابھ بچن کے مداحوں اور بالی ووڈ فنکاروں کی جانب سے ان کی جلد صحت یابی کے لیے دعائیں‌کی گئی تھیں.

یاد رہے کہ بھارت میں‌ کرونا وائرس کی صورتحال ابتر ہے، نئی دہلی کے شہری کرونا سے سب سے زیادہ متاثر ہوئے ہیں‌، بھارت میں کرونا سے ہلاک افراد کی تعداد 33 ہزار کے قریب پہنچ چکی ہے، اور لاکھوں لوگوں میں‌ وائرس کی تصدیق ہوچکی ہے.

Comments

یہ بھی پڑھیں