پاکستان کے معروف گلوکار عاصم اظہر کے کانسرٹ کے دوران فینز کی جانب سے سابقہ منگیتر میرب علی کے نام کے نعرے لگانے کی ویڈیو وائرل ہوگئی۔
عاصم اظہر کا شمار پاکستان کے بڑے اسٹارز میں ہوتا ہے، گلوکار موسیقی میں بہت کم وقت میں اپنا نام بنانے میں کامیاب ہو ئے، انہوں نے بہت سے ہٹ گانے دیے ہیں، دوسری طرف میرب علی پاکستان کی ابھرتی ہوئی اداکارہ ہیں۔
عاصم سے منگنی ٹوٹنے کے بعد میرب کی نئی تصاویر نے سب کو حیران کردیا
عاصم اظہر اور میرب علی نے تین سال قبل منگنی کی تھی اور عوامی سطح پر اپنے اس تعلقات کا اعلان کیا تھا تاہم گزشتہ روز انہوں نے راہیں جدا کرنے کا اعلان کیا۔
میرب سے بریک اپ کے بعد عاصم اظہر کی ایک کانسرٹ کی ویڈیو سوشل میڈیا پر خوب وائرل ہورہی ہے جس میں گلوکار کے فینز نے میرب علی کے نام کا لگا رہے ہیں۔
View this post on Instagram
سوشل میڈیا پر اس لمحے کی ویڈیو وائرل ہو گئی جس میں کراؤڈ یک زبان ہو کر میرب، میرب کہتے نظر آرہے ہیں، عاصم نے فینز کے اس عمل پر پرسکون انداز میں اپنے ردعمل کا اظہار کیا۔
میرب کا نام سن کر عاصم اظہر نے غصے کا اظہار کرنے کے بجائے کراؤڈ کو پرسکون کرواتے ہوئے کہتے ہیں کہ ایسا نہ کریں آپ سب کی بھی فیملیز ہیں۔
اس کے بعد عاصم اظہر نے اپنے سپر ہٹ گانے ‘جو تو نہ ملا’ کو خوب جذبات میں آکر گایا جس کو فینز نے ان کے دل کی آواز قرار دیا۔
