آئی سی سی ٹی 20 ورلڈ کپ میں پاک بھارت ٹاکرے کو دیکھنے کے لیے کھیلوں اور شوبز سے وابستہ شخصیات بھی میدان میں موجود تھیں۔
گلوکار عاصم اظہر نے بھی پاکستان اور بھارت کا سنسنی خیز میچ میلبرن کرکٹ گراؤنڈ میں دیکھا اور قومی ٹیم کی کارکردگی کو بھی سراہا۔
گلوکار نے مین آف دی میچ بھارتی بیٹر ویرات کوہلی کے ساتھ تصویر بھی شیئر کی۔
عاصم اظہر نے ساتھ تصویر بنوانے پر ویرات کوہلی کا شکریہ بھی ادا کیا اور لکھا کہ ’میں ہمیشہ سے آپ کا مداح تھا لیکن آپ جس شخصیت کے مالک ہیں میں آپ کا بڑا پرستار ہوگیا ہوں۔‘
انہوں نے کوہلی کو مینشن کرتے ہوئے لکھا کہ ’ویرات کوہلی بھائی آپ کے وقت اور مہربانی کا شکریہ۔‘
View this post on Instagram
ویرات کوہلی نے عاصم اظہر کو ٹی شرٹ پر آٹو گراف بھی دیا جس میں ان کے لیے نیک خواہشات کا اظہار کیا گیا ہے۔
انسٹاگرام اسٹوری میں بھی گلوکار نے ویرات کوہلی کے ساتھ تصویر شیئر کی اور ساتھ ہی لکھا کہ ’شکریہ ویرات کوہلی آپ نے اپنا وعدہ یاد رکھنا ہے۔‘
گلوکار نے یہ نہیں بتایا کہ ویرات کوہلی کو کونسا وعدہ یاد رکھنا ہے تاہم مداحوں کی جانب سے ان کی تصاویر کو پسند کیا جارہا ہے۔
