کراچی: پولیس، رینجرز اہلکاروں اور مقتول امجد صابری کی شہادت سمیت 28 مختلف وارداتوں میں ملوث لشکر جھنگوی نعیم بخاری گروپ سے تعلق رکھنے والا عاصم عرف کیپری کون ہے؟ اےآروائی نیوز نے معلومات حاصل کرلیں، عاصم کیپری 2013 میں چوہدری اسلم کےہاتھوں گرفتارہواتھا، عاصم عرف کیپری کااصل نام عمیرخلیل الرحمان ہے، عاصم کیپری کوعمیر کیپری بھی کہا جاتا ہے۔
تفصیلات کے مطابق تفتیشی رپورٹ اورعاصم کیپری کی اصل تصویر اے آر وائی نیوز نے حاصل کرلی ۔ ملزم نے 2013 میں بتایا کہ تعلق اہلسنت والجماعت سے ہے۔
عاصم کے مطابق اس کے پاس لشکرجھنگوی کے12دہشت گرد تھے، رپورٹ میں کہا گیا ہے کہ دہشت گردوں میں شیری اورنگی والا، عبیدالرحمان، کاظم شاہ پولیس والا شامل ہیں، دہشت گردوں میں فرحان، سفیان، عبداللہ، شہاب عرف مگو، طلحہٰ شامل تھے۔
دہشت گردوں میں ذاکرڈلاوالا، عمیر کپڑے والا اور بلال عمیر شامل تھے، ذاکرلشکرجھنگوی کے کارندوں کو اسلحہ چلانے کی ٹریننگ دیتا تھا۔
اسلحہ کی خریداری کیلئے ذاکر عمیر کپڑے والا رقم دیتا تھا، ملزم نے انکشاف کیا کہ عمیر کپڑے والے کا بھائی بلال بھی شوٹرہے، ملزم نے بتایا کہ ہدایات اور اسلحہ نعیم بخاری کا قریبی ساتھی شیری اورنگی والا دیتا تھا۔
