پاکستان کی سینئر اداکارہ اسما عباس کو اسکرین ٹریٹمنٹ کروانا مہنگا پڑگیا، علاج کے دوران جلد پر شدید الرجی ہوگئی۔
عاصمہ عباس پاکستان کی سب سے زیادہ پسند کی جانے والی سینئر اداکاراؤں میں سے ایک ہیں، ان کا تعلق ایک شوبز گھرانے سے ہے جس کی تین نسلیں فن اور تفریح کے لیے کام کر رہی ہیں۔
انہوں نے اپنی شادی کے بعد اداکاری سے وقفہ لیا اور تین دہائیوں بعد دوبارہ شوبز انڈسٹری کو جوائن کیا، اب وہ وہ ایک سوشل میڈیا ولاگر بھی ہیں، اداکارہ نے اپنی جلد کے بارے میں اپ ڈیٹ شیئر کی ہے۔
اداکارہ نے اپنی یوٹیوب ویڈیو میں بتایا کہ کچھ عرصے سے شہرے پر چھائیوں کے مسئلے کا شکار تھی، اور یہ مسئلہ اُن کے خاندان میں وراثتی طور پر پایا جاتا ہے۔
اسما عباس کے مطابق یہ چھائیاں جسم کے کسی بھی حصے پر ہوسکتی ہیں، لیکن ان کے چہرے پر ہوئیں، جس کے باعث انہوں نے ڈاکٹر سے رجوع کیا۔
اداکارہ نے کہا کہ ڈاکٹر نے انہیں ’کاؤٹرازیشن‘ نامی طریقہ علاج تجویز کیا، جس میں ایک خاص آلے کی مدد سے جلد پر موجود داغوں کو جلایا جاتا ہے تاکہ وہ ختم ہو جائیں۔
اسما عباس کا کہنا تھا کہ علاج سے ایک رات پہلے انہوں نے سونے سے قبل ایک ماسک لگایا، جو ممکنہ طور پر اُن کی جلد کو سوٹ نہیں کرسکا، ماسک لگانے کے بعد انہیں ہلکی سی جلن محسوس ہوئی لیکن وہ وقتی طور پر ٹھیک ہوگئی۔
ان کا کہنا تھا کہ اگلے دن جب وہ ڈاکٹر کے پاس باقاعدہ ٹریٹمنٹ کروانے گئیں تو علاج کے بعد اُن کے چہرے پر شدید الرجی ہوگئی، جس کی وجہ سے چہرے کا بڑا حصہ لال ہوگیا تاہم ڈاکٹر نے انہیں یقین دلایا ہے کہ یہ الرجی جلد ٹھیک ہوجائے گی۔
