اسرائیل نے فلسطینی صحافی اسماء نوح حریش کو 6 ماہ جیل میں رکھنے کے بعد رہا کردیا۔
بین الاقوامی خبررساں ادارے کی رپورٹ کے مطابق فلسطینی قیدیوں کی سوسائٹی (پی پی ایس) نے اس حوالے سے بتایا کہ اسرائیلی قابض فوج نے 7 اکتوبر سے غزہ کی پٹی پر اپنی جارحیت کے آغاز کے بعد سے متعدد مرد اور خواتین صحافیوں کو گرفتار کرلیا تھا۔
گرفتار کی گئی خواتین صحافیوں میں 32 سالہ صحافی اسماء نوح حریش بھی شامل تھیں، جنہیں اسرائیلی فوج نے رام اللّٰہ کے مقبوضہ مغربی کنارے میں ان کے گھر پر چھاپے کے دوران حراست میں لیا تھا۔
یاد رہے کہ اسرائیل کی بربریت کے دوران متعدد فلسطینی صحافی شہادت کے رتبے پر فائز ہوچکے ہیں، ایک فلسطینی صحافی وفا العودینی اور ان کے خاندان کے افراد بھی 30 ستمبر کو اسرائیلی فضائی حملے میں شہید ہوگئے تھے۔
اسرائیلی فوج لبنان میں عام شہریوں کو نشانہ نہ بنائے، امریکا
غزہ میں قائم میڈیا دفتر کا ان کی شہادت پر بیان جاری کرتے ہوئے کہنا تھا کہ فلسطینی صحافی وفا العودینی اسرائیلی حملوں میں شہید ہونے والی 7 اکتوبر سے اب تک کی 174ویں صحافی ہیں۔
