site
stats
عالمی خبریں

داعش کے خلاف فضائی حملے لاحاصل ہیں، بشارالاسد

دمشق: شام کے صدربشارالاسد نے کہاہے کہ داعش کے خلاف برطانوی بمباری لاحاصل رہے گی اوراس سے دہشت گردی میں مزید اضافہ ہوگا۔

ان کا کہنا تھا کہ فضائی حملے غیرقانونی اورنقصان دہ ہیں اورجب سے امریکی اتحاد نے بمباری شروع کی ہے داعش کی حمایت میں اضافہ ہوا ہے، واضح رہے کہ برطانیہ نے دو دسمبرکو امریکی اتحاد میں شمولیت اختیار کی ہے۔

ان کا کہنا تھا کہ دہشت گردی کینسر کی طرح ہے اور اس کے سدباب کے لئے جامع منصوبہ بندی کی ضرورت ہے جس میں زمینی دستوں کی مدد سے کاروائیاں انتہائی اہمیت کی حامل ہیں۔

انہوں نے کہا کہ کینسرسے یکدم نہیں کاٹ کرپھینکا جاتا بلکہ اس کا علاج کرکے متاثرہ حصے سے الگ کیا جاتا ہے بصورت دیگر وہ سرعت سے جسم میں سراعیت کرجائے گا۔

بشارالاسد نے یہ بھی کہا کہ داعش کومحض فضائی حملوں سے شکست نہیں دی جاسکتی اس کے لئے زمین پر موجود افواج کے ساتھ تعاون اور حکومت اورعوام کا مطمئن ہونا بے حد ضروری ہے۔

واضح رہے کہ برطانیہ نے جمعرات کو امریکی اتحاد میں شمولیت اختیارکرتے ہوئے داعش کے زیرتسلط آئل فیلڈ کو نشانہ بنایا تھا۔

شام میں جاری بمباری کے نتیجے میں اب تک ڈھائی لاکھ سے زائد افراد قتل ہوچکے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top