نئی دہلی : بھارت میں باراتیوں میں اس وقت صف ماتم بچھ گئی جب نامعلوم افراد نے دولہا کو گولی مار دی۔
بھارتی میڈیا کی رپورٹ کے مطابق دولہے کو گولی مارنے کا واقعہ بھارتی ریاست بہار کے ضلع مہتیاری میں پیش آیا، جہاں دولہا پوری بارات کے ساتھ دلہن بیاہنے جارہا تھا کہ راستے میں باراتیوں میں افراتفری مچ گئی۔
رپورٹس میں بتایا گیا ہے کہ بارات دلہن والوں کے گھر پہنچنے ہی والی تھی کہ نامعلوم افراد دولہے کی تصویر کھینچنے کے بہانے گاڑی میں داخل ہوئے اور دولہے کے سینے پر گولیاں مار کر فرار ہوگئے۔
پولیس نے فائرنگ کی اطلاع موصول ہوتے ہی جائے وقوعہ پر پہنچ کر دولہا کو فوری طور پر قریبی اسپتال منتقل کیا، جہاں اس کا علاج جاری ہے۔
ڈاکٹروں کا کہنا ہے کہ دولہے کی حالت خطرے سے باہر ہے، پولیس نے افسوس ناک واقعے کے خلاف تحقیقات کا آغاز کرتے ہوئے ملزمان کی تلاش شروع کردی ہے۔
