کراچی :آصفہ بھٹو زرداری تعلیم اور سماجی خدمات کے میدان میں آگئیں اور سوات کی طاہرہ کی تعلیم کا بیڑہ آصفہ بھٹو نے اٹھا لیا۔
پیپلز پارٹی کے مطابق آصفہ بھٹو زرداری نے سوات کی رہائشی طلبا طاہرہ کی تعلیم پر آنے والے اخراجات برداشت کرنے کا اعلان کردیا اور کہا کہ جب تک طاہرہ پڑھنا چاہے پڑھیں اور ساتھ ہی طاہرہ کی والدہ کا مکمل علاج کرانے کا بھی وعدہ کیا۔
فیصلے پر طالبہ طاہرہ نے آصفہ بھٹو زرداری کا شکریہ ادا کیا اور کہا کہا آج آپ نے ہماری مدد کی ہے اور جب ہم اپنے پاؤں پر کھڑے ہوجائیں گے تو دوسروں کی مدد کریں گے۔
طاہرہ نے مزید کہا کہ میں اپنی والدہ سے بہت متاثر ہوں۔
آصفہ بھٹو زرداری پولیو کے خاتمے کیلئے کوشاں
خیال رہے کہ آصفہ بھٹو زرداری پولیو کے خاتمے کیلئے اقوام متحدہ کے ادارے یونیسیف کی پاکستان میں سفیر ہیں اور ملک سے پولیو کے خاتمے کیلئے کوشاں ہیں، انھوں نے اس عزم کا اظہار بھی کیا کہ بہت جلد پاکستان سے پولیو کا خاتمہ ہوجائے گا، موذی مرض کے خاتمے کیلئے سب کو مل کر کام کرنا ہوگا۔
