لاہور: احتساب عدالت نے آمدن سے زائد اثاثہ جات کیس میں سابق وزیر اعلیٰ پنجاب عثمان بزدار کی عبوری ضمانت میں تیرہ دسمبر تک توسیع کر دی۔
تفصیلات کے مطابق لاہور کی احتساب عدالت میں آمدن سے زائد اثاثہ جات کیس میں عثمان بزدار کی درخواست ضمانت پر سماعت ہوئی۔
تفتیشی افسر نے بتایا کہ نیب نےعثمان بزدارکےوارنٹ گرفتاری جاری نہیں کیےہیں، نیب کوابھی عثمان بزدارکی گرفتاری مطلوب نہیں ہے۔
عدالت نے عثمان بزدارکی عبوری ضمانت میں13دسمبرتک توسیع کرتے ہوئے آئندہ سماعت پرانکوائری کا ریکارڈ طلب کرلیا۔
عثمان بزدار نے سماعت کے بعد واپسی پر میڈیا سے گفتگو میں کہا کہ عدالت میں سیاسی گفتگونہیں ہونی چاہیے، سیاسی گفتگو اسمبلی میں کریں گے۔
یاد رہے گذشتہ سماعت میں عدالت نے فریقین کے دلائل مکمل ہونے پر سابق وزیراعلیٰ کی 30نومبر تک عبوری ضمانت منظور کرتے ہوئے نیب کو انہیں گرفتار کرنے سے روک دیا تھا۔
واضح رہے کہ اس سے قبل سردار عثمان بزدار نے شراب لائسنس کیس میں احتساب عدالت سے ضمانت حاصل کر رکھی ہے۔
