کراچی: اسسٹنٹ کمشنر کورنگی کے آمدن سے زائد اثاثوں پر اینٹی کرپشن نے تحقیقات شروع کر دیں۔
تفصیلات کے مطابق کراچی کے ضلع کورنگی کے اسسٹنٹ کمشنر محمد حسین کھوسو کے والد محمد اسحاق کھوسو محکمہ خوراک کے چوکیدار ہیں، تاہم ان کے نام پر کروڑوں روپے کی جائیداد بنا لی گئی ہے۔
اینٹی کرپشن کو موصول ہونے والی تفصیلات کے مطابق اسسٹنٹ کمشنر نے والد کی طرح اپنے بھائی کے نام پر بھی جائیداد بنائی ہے، اور صرف یہی نہیں بلکہ اپنے سالے کے نام پر بھی اثاثے بنائے۔
اینٹی کرپشن نے اس سلسلے میں تحقیقات شروع کر دی ہیں، اور ڈائریکٹر اینٹی کرپشن نے ڈی سی کورنگی کو خط لکھ دیا ہے، جس میں اسسٹنٹ کمشنر محمد حسین کھوسو کو 10 جنوری کو اینٹی کرپشن میں پیش ہونے کی ہدایت کی گئی ہے۔
وائرل ویڈیو: خاکروب نے بیوی کو تشدد کا نشانہ بنا ڈالا، بیوی کا معافی کا اعلان
اینٹی کرپشن نے محمد حسین کھوسو کا سروس ریکارڈ اور ملازمت میں آنے کے وقت ڈکلیئر اثاثوں کی تفصیلات طلب کی ہیں۔
