متحدہ عرب امارات (یو اے ای) کے خلا باز نے خلا سے دنیا کے بلند ترین پہاڑ ایورسٹ کی دلکش تصاویر شیئر کردیں۔
متحدہ عرب امارات (یو اے ای) کے خلا باز سلطان النیادی نے خلا سے ہمالیہ کا ایک حیرت انگیز نظارہ شیئر کیا ہے۔
خلا باز نے ہفتے کے روز ایکس پر برف پوش ہمالیہ کے پہاڑ کی تصاویر پوسٹ کیں ہیں، ان کی جانب سے شیئر کی گئی ان تصاویر میں ہمالیہ کے پہاڑوں کو دیکھا جاسکتا ہے جن کے اوپر بادل موجود ہیں۔
The Himalayas from space 🏔️
Home to the Everest summit, the highest point above sea level on earth, these mountains are one of the iconic landmarks of our planet's rich nature. pic.twitter.com/DiQqz0L95b
— Sultan AlNeyadi (@Astro_Alneyadi) August 12, 2023
خلا باز نے اپنی تصاویر کے کیپشن میں لکھا کہ ’خلا سے ہمالیہ کا منظر‘ ایورسٹ چوٹی کا گھر، زمین پر سطح سمندر سے سب سے اونچا مقام، یہ پہاڑ ہمارے سیارے کی بھرپور فطرت کے نمایاں نشانات میں سے ایک ہیں۔‘
یاد رہے کہ متحدہ عرب امارات (یو اے ای) کے خلا باز سلطان النیادی، اس وقت بین الاقوامی خلائی اسٹیشن (آئی ایس ایس) کے لیے 6 ماہ کے خلائی مشن پر ہیں۔
