ٹی ٹوینٹی ورلڈ کپ کے سپر 12 مرحلے میں آسٹریلیا نے سری لنکا کو باآسانی 7 وکٹوں سے شکست دے دی۔
تفصیلات کے مطابق ٹی ٹوینٹی ورلڈ کپ سپر 12 مرحلے میں سری لنکا کی جانب سے دیا جانے والا 155 رنز کا ہدف آسٹریلیا نے 3 وکٹوں کے نقصان پر 16.5 اوورز میں حاصل کرلیا۔
اوپنر ڈیوڈ وارنر نے 65 رنز کی جارحانہ اننگز کھیلی، کپتان ایرون فنچ 37 رنز کے ساتھ نمایاں رہے، گلین میکسویل پانچ رنز بنا کر آؤٹ ہوئے۔
اسٹیو اسمتھ 28 اور مارکس اسٹونس 16 رنز کے ساتھ ناٹ آؤٹ رہے۔
سری لنکا کی جانب سے ہسارنگا ڈی سلوا نے دو وکٹیں حاصل کیں، دسن سناکا ایک وکٹ حاصل کرسکے۔
Two in two for Australia ✌️
#T20WorldCup | #AUSvSL | https://t.co/dkIIjDEJLc pic.twitter.com/Xv8KlB4f0I— T20 World Cup (@T20WorldCup) October 28, 2021
اس سے قبل کینگروز کی دعوت پر سری لنکا نے مقررہ اوورز میں 6 وکٹوں کے نقصان پر 154 رنز بنائے تھے، چریتھا سالانکا اور کوشل پریرا 35، 35 رنز کے ساتھ نمایاں رہے تھے۔
بھانوکا راجا پکسے نے بھی 33 رنز کی اننگز کھیلی تھی۔
آسٹریلیا کی جانب سے لیگ اسپنر زمپا، مچل اسٹارک اور پیٹ کمنز نے دو، دو کھلاڑیوں کو پویلین کی راہ دکھائی تھی۔
