دریائے نیلم میں بس گرنے سے 20 افراد جاں بحق -
The news is by your side.

Advertisement

دریائے نیلم میں بس گرنے سے 20 افراد جاں بحق

مظفر آباد: وادی نیلم کے قریب مسافر بس کھائی میں گرنے سے خواتین سمیت 20 افراد جاں بحق اور 5 زخمی ہوگئے۔

تفصیلات کے مطابق وادی نیلم کے علاقے کیل سے مظفر آباد جانے والی مسافر بس تیز رفتاری اور فنی خرابی کے باعث نوسیری نیلم جہلم پراجیکٹ کے قریب دریائے نیلم میں جاگری۔

بس کھائی میں گرنے سے 3 خواتین سمیت 20 مسافرجان کی بازی ہارگئے،جن میں سے 5 کی لاشوں کو نکالا جاچکا ہے۔

حادثے میں زخمیوں کو علاج کے لیے مظفر آباد کے شیخ زید اسپتال منتقل کیا گیا،جہاں چند مسافروں کی حالت تشویش ناک بتائی جاتی ہے۔

حادثے کی اطلاع ملتے ہی پولیس اور ریسکیو ٹیمیں موقع پر پہنچ گئی، تاہم ضلعی اور تحصیل انتظامیہ اطلاع ہونے کے باوجود جائےحادثہ پر بروقت نہ پہنچ سکی۔

واضح رہے دریا سے نکالی جانے والی 5 لاشوں کی تدفین آہوں اور سسکیوں کے ساتھ کردی گئی۔

Comments

comments

یہ بھی پڑھیں