کوئٹہ : صوبہ بلوچستان کے دارالحکومت کوئٹہ میں کوئلے کی کان سے مزید 5 مزدوروں کی لاشیں نکال لی گئیں جس کے بعد جاں بحق مزدوروں کی تعداد 23 ہوگئی۔
تفصیلات کے مطابق کوئٹہ کے علاقے سوررینج میں کوئلے کی کان سے مزید 5 مزدوروں کی لاشیں نکال لی گئیں، جاں بحق مزدوروں کا تعلق سوات سے تھا۔
کوئٹہ کے نواحی علاقے مارواڑ اور سورینج میں کان کے منہدم ہونے کے الگ الگ واقعات پیش آئے جس کے نتیجے میں متعدد مزدور پھنس گئے تھے۔
کان کے بیٹھنے کے دونوں واقعات میں اب تک 23 مزدوروں کی لاشین نکالی جا چکی ہیں جبکہ حادثے میں زخمی ہونے والے 9 مزدوروں کی حالت تسلی بخش ہے۔
کان کے بیٹھنے کے دونوں واقعات میں اب تک مجموعی طور پر 23 مزدوروں کی لاشیں نکالی جاچکی ہیں۔
دوسری جانب چیف مائنز انسپکٹر کا کہنا ہے کہ مارواڑ اور سورینج حادثاٹ کی تحقیقات کے لیے انکوائری کی جائے گی۔
خیال رہے کہ پاکستان میں کوئلے کی کانوں میں پیش آنے والے حادثات سے سالانہ سیکڑوں افراد جان سے ہاتھ دھوبیٹھتے ہیں۔
مارواڑ میں کوئلے کی کانوں میں گیس دھماکا، اٹھارہ کان کن جاں بحق
یاد رہے کہ گزشتہ روز کوئٹہ کے نواحی علاقے مارواڑ اور سورینج میں کوئلے کی کانوں میں گیس دھماکے کے نتیجے میں 18 کان کن جاں بحق ہوگئے تھے۔
خیبرایجنسی میں کوئلے کی کان میں دھماکہ ‘8 مزدور جاں بحق
واضح رہے کہ گزشتہ ماہ 25 اپریل کو خیبرایجنسی کی تحصیل باڑہ کے علاقے کالا خیل میں کوئلے کی کان میں گیس بھرنے سے دھماکہ ہوا تھا، دھماکے سے کان میں موجود 8 مزدور جان کی بازی ہار گئے تھے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔
