کراچی: انسداد دہشت گردی کی عدالت میں سانحہ صفورا میں سزائےموت پانے والوں کے مقدمات کی سماعت دوبارہ شروع کردی گئی ہے۔
تفصیلات کےمطابق انسداد دہشت گردی کی عدالت نے سانحہ صفورا میں سزا پانے والے سعدعزیز سمیت 5مجرمان کی کسٹدی سینٹرل جیل کومل گئی ہےجبکہ کیس میں نامزد ملزمان کو5مقدمات کی نقول فراہم کردی گئیں اس کےعلاوہ ملزم سعدعزیزاورطاہرحسین عرف منہاس کوعدالت میں پیش کیاگیا۔
اے ٹی سی نے حکم دیتے ہوئے کہاکہ آئندہ سماعت پر مجرمان پرفردجرم عائد کی جائے گی،ملزمان پرنیوی افسراورنیوکراچی میں پولیس اہلکارکےقتل کےمقدمات شامل ہیں،جبکہ حیدری دھماکا،نارتھ ناظم آباد،سمن آباد مقابلہ کے ساتھ دھماکا خیزمواد کا کیس بھی شامل سماعت ہے۔
مزید پڑھیں:سانحہ صفورا: عدالت کا ملٹری کورٹ فیصلے کی نقل 14 مارچ تک جمع کرانےکا حکم
واضح رہے کہ ڈیڑھ برس بعد مقدمات میں پیش رفت دوبارہ بحال ہوئی ہیں،مقدمہ فوجی عدالت منتقلی کےباعث سماعت میں پیشرفت روک دی گئی تھی، سعدعزیزسمیت5 افراد کا مقدمہ2016 میں فوجی عدالت منتقل کیا گیا تھا.