اسلام آبد : انسداد دہشت گردی عدالت نے وزیراعلیٰ کے پی علی امین گنڈا پور سمیت دیگر رہنماوں کے ناقابل ضمانت وارنٹ گرفتاری جاری کردیئے۔
تفصیلات کے مطابق اسلام آباد کی انسداددہشتگردی عدالت میں پی ٹی آئی رہنماؤں کیخلاف دہشتگردی دفعات کے تحت تھانہ آئی 9 میں درج مقدمے کی سماعت ہوئی۔
انسداددہشتگردی عدالت کے جج طاہر عباس سپرا نے سماعت کی ، راجہ خرم شہزادنوازاورراجہ ماجد اپنے وکلا کے ہمراہ عدالت میں پیش ہوئے۔
عدالت نے عدم حاضری پر علی امین گنڈا پور ، واثق قیوم عباسی ، راجہ راشدحفیظ اورعامرمحمودکیانی کے ناقابل ضمانت وارنٹ گرفتاری جاری کردیئے جبکہ عمرتنویربٹ کو مسلسل غیر حاضری پراشتہاری قراردے دیا۔
دوران سماعت فیصل جاوید کی حاضری معافی کی درخواست دائر کی گئی ، فیصل جاوید کی وکیل آمنہ علی ایڈووکیٹ نے حاضری معافی کی درخواست جمع کرائی ، جسے عدالت نے منظور کر لی اور کیس کی سماعت3 اکتوبر تک ملتوی کردی۔
