اسلام آباد : انسداد دہشت گردی کی عدالت نے پی ٹی آئی ایم این اے عبد الطیف کو فوری گرفتار کرنے کا حکم دے دیا۔
تفصیلات کے مطابق انسداد دہشت گردی کی عدالت نے 9مئی اسلام آباد کے مقدمے میں سزا یافتہ پی ٹی آئی ایم این اے عبد الطیف کو گرفتار کرنے کا حکم دے دیا۔
عدالت نے عبد الطیف سمیت 7 مجرمان کو گرفتار کرنے کاحکم دیا اور کہا 11 مجرمان کو سزاسنائی، 4 کمرہ عدالت سے گرفتار ہوگئے۔
عدالت کا کہنا تھا کہ 7 مجرمان کی عدم حاضری پر ان کی سزا کے وارنٹس ایس ایچ اوتھانہ رمنا کے حوالے کردیئے ہیں، ایس ایچ او تھانہ رمنا 7 مجرمان کو گرفتار کر کے جیل حکام کے حوالے کریں،عدالت
انسداد دہشت گردی عدالت کے جج طاہر عباس سپرا نے فیصلے میں احکامات جاری کیے۔
مزید پڑھیں : پی ٹی آئی ایم این اے سمیت 11 مجرموں کو 15 سال 4 ماہ قید کی سزا
یاد رہے گذشتہ روز 9 مئی تھانہ رمنا حملہ کیس میں عدالت نے پی ٹی آئی ایم این اے سمیت 11 مجرموں کو 15 سال 4 ماہ قید اور جرمانے کی سزا سنائی تھی۔
