اسلام آباد : انسداد دہشت گردی عدالت نے چیئرمین پاکستان تحریک انصاف اورپاکستان عوامی تحریک کے سربراہ ڈاکٹر طاہرالقادری کی جائیداد کی تفصیلات طلب کرلی۔
تفصیلات کے مطابق انسداد دہشت گردی عدالت کے جج شاہ رخ ارجمند نے اسلام آباد دھرنے کے دوران پی ٹی وی حملہ اور ایس ایس پی عصمت اللہ تشدد کیس کی سماعت کی۔
مقدمے کی سماعت کے دوران عمران خان اور طاہر القادری پیش نہ ہوئے،عدالت نے سماعت کے دوران ریماکس دیے کہ پولیس ملزمان کی جائیداد کی تفصیلات دینےمیں ناکام ہوچکی ہے۔
عمران خان اور طاہر القادری کی جائیداد ضبط کرنے کا حکم
انسداد دہشت گردی عدالت نے آئی جی،چیف کمشنردونوں کوآئندہ سماعت پرعمران خان اور طاہرالقادری کی جائیدادکی تفصیلات جمع کرانے کا حکم دے دیا۔
انسپکٹر انیس اکبر نے دوران سماعت کہا کہ ایس ایس پی عصمت اللہ ملک سے باہر ہیں اگلی پیشی میں آئیں گے جس کے بعد عدالت نے کیس کی سماعت 13 اکتوبر تک ملتوی کردی۔
واضح رہے کہ مسلم لیگ ن کے رہنما دانیال عزیز کا سپریم کورٹ کے باہر میڈیا سے گفتگو کرتے ہوئے کہنا تھا کہ مخالفین اداروں سےسیاست کرتےہیں پھرکہتےہیں ادارے مضبوط ہوں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
