فیصل آباد: انسداد دہشت گردی عدالت نے ‘را’ کے 3 ایجنٹوں کوجیل بھجوادیا، ملزمان کو 4 جون کو ٹوبہ ٹیک سنگھ سے بارودی مواد سمیت گرفتار کیا گیا تھا۔
تفصیلات کے مطابق فیصل آباد کی انسداددہشت گردی عدالت میں سی ٹی ڈی کے تفتیشی افسر نے را کے 3 ایجنٹوں اعظم، امجد اور منظور کو پیش کیا۔
تفتیشی افسر کی درخواست پرعدالت نے ملزمان کو جوڈیشل کرنے کا حکم دے دیا اور کہا تینوں ملزمان کو 25 جون کو دوبارہ عدالت میں پیش کیاجائے۔
ملزمان کو چار جون کو ٹوبہ ٹیک سنگھ سے بارودی مواد سمیت گرفتارکیا گیا تھا۔
مزید پڑھیں : عید پر تباہی کا بڑا منصوبہ ناکام ‘را’ کے 3 دہشت گرد گرفتار
ترجمان سی ٹی ڈی کے مطابق دہشت گردوں سے بڑی تعداد میں اسلحہ اور دھماکا خیز مواد برآمد ہوا ہے، ملزمان عید پر لاہور، بہاولنگر، بہاولپور اور پاکپتن میں اہم مقامات کو نشانہ بنانا چاہتے تھے۔
سی ٹی ڈی حکام کا کہنا ہے کہ گرفتار را کے ایجنٹ فتنہ الخوارج کے لیے بھی کام کرتے ہیں، ملزمان سرینگر، راجستھان میں را نمائندوں سے متعدد بارمل چکے ہیں۔
ملزمان غیرقانونی طور پر بارڈر کراس کرکے را کے نمائندوں سے ملے، را کو واٹس ایپ کے ذریعے اہم مقامات کے نقشے بھیجے جاتے تھے۔
