بالی ووڈ اداکارہ اتھیا شیٹی اور بھارتی کرکٹر کے ایل راہول کے ہاں ننھی پری کی آمد ہوئی ہے۔
فوٹو اور ویڈیو شیئرنگ ایپ انسٹاگرام پر اداکارہ اتھیا شیٹی نے کارڈ کی تصویر شیئر کی جس میں انہوں نے مداحوں کو بتایاکہ بیٹی کی پیدائش ہوئی ہے۔
اتھیا شیٹی نے ایک گھنٹے قبل مداحوں کو یہ خوشخبری سنائی اور مداحوں کی جانب سے انہیں مبارکباد دی جارہی ہے۔
View this post on Instagram
گزشتہ سال نومبر میں اتھیا شیٹی اور کے ایل راہول نے مداحوں کو خوشخبری سنائی تھی کہ وہ جلد والدین بننے والے ہیں۔
واضح رہے کہ اتھیا شیٹی اور کے ایل راہول کی شادی جنوری 2023 میں ہوئی تھی، اتھیا شیٹی کے ہاں بیٹی کی پیدائش کے بعد سینئر اداکار سنیل شیٹی بھی نانا بن گئے ہیں۔
کے ایل راہول ان دنوں انڈین پریمیئر لیگ میں مصروف تھے لیکن بیٹی کی پیدائش کے باعث وہ آج کے میچ میں شرکت نہیں کریں گے۔
