بین الاقوامی شہرت یافتہ پاکستانی گلوکار عاطف اسلم اس سال ماہِ صیام کے حوالے سے ’اللہ ہو اللہ‘ کے کلام کے ساتھ جلوہ گر ہو گئے۔
پاکستان کے معروف گلوکار عاطف اسلم نے اپنے موسیقی کیریئر کے دوران اب تک کئی طرح کے گانے گائے اور تقریباََ ان کے سب گانے ہی ان کے مداحوں کی جانب سے بہت پسند بھی کیے جاتے ہیں۔
تاہم عاطف اسلم گانوں کے ساتھ حمد اور نعتیں بھی پڑھتے ہیں اسی طرح سوشل میڈیا پر گردش کرتی کلام کی ویڈیو میں عاطف اسلم کی جادوئی آواز اور تاریخی بادشاہی مسجد کے خوبصورت مناظر نے دیکھنے والوں کے دلوں کو چھو لیا۔
’اللہ ہو اللہ‘ ریلیز ہوتے ہی عوام میں مقبول ہوگیا ہے، محض چند گھنٹے میں ویڈیو کو دیکھنے والوں کی تعداد 9 لاکھ سے تجاوز کرگئی ہے۔
واضح رہے کہ اس سے قبل بھی عاطف اسلم کی ایسے کلام عوام میں مقبولیت کے ریکارڈ قائم کرتے رہے، ’وہی خدا ہے‘ ’اسماءالحسنیٰ‘ ’ اذان‘ ہو یا تاجدارِ حرم، عاطف اسلم اپنی آواز میں مداحوں کو تحفے دیتے رہتے ہیں۔
