دبئی: پاکستان اوربھارت کے نامورگلوکارعاطف اسلم اورسونو نگم دونوں ہی برصغیر کے جانے مانے گلوکار ہیں اور دبئی کی ایک تقریب میں دونوں نے اکھٹے پرفارم کرکے محفل کو جھوم اٹھنے پرمجبورکردیا۔

سامعین اس وقت تو جھوم ہی اٹھے جب دونوں فانکاروں نے پاکستان اور بھارت کے لازوال نغمے گا کر دونوں ممالک کے عظیم گلوکاروں کو فنکاروں کو خراج تحسین پیش کیا۔

دونوں گلوکاروں نے بھارتی گلوکار جگجیت سنگھ کا گانا ’’ہونٹوں سے چھولوتم‘‘ اور ریشماں اور محمد رفیع کی مشہورزمانہ غزل ’’کیا ہوا تیرا وعدہ‘‘ گا کر سامعین کو سحرزدہ کیا۔

دونوں فنکاروں کا کہنا تھا کہ ’’دونوں فنکارامن کوفروغ دینے کے لئے ایک مقام پر اکھٹے پرفارمنس دے رہے ہیں‘‘۔

دونوں فنکاروں کا کہنا تھا کہ فن اور تخلیق کے فروغ میں دونوں ممالک کی سرحد کو حائل نہیں ہونا چاہیئے۔