The news is by your side.

‘تسنیم حیدر کا بیان میاں صاحب کیلئے بہت خطرناک ہے،وطن واپسی کیلئے سو بار سوچیں گے’

اسلام آباد : ماہرقانون اعتزاز احسن کا کہنا ہے کہ تسنیم حیدر کا بیان میاں صاحب کیلئے بہت خطرناک ہے،وطن واپسی کیلئے سو بار سوچیں گے۔

تفصیلات کے مطابق ماہر قانون اعتزاز احسن نے میڈیا سے گفتگو کرتے ہوئے تسنیم حیدر کے بیان پر کہا کہ ارشد شریف کے قتل کے حوالے سے تسنیم حیدر کا بیان بہت اہم ہے۔

ماہر قانون کا کہنا تھا کہ انگلینڈ میں سازش کا الزام لگا تو اس پر وہاں کارروائی ضرور ہونی ہے، یہ دیکھنا ہو گا کس نے ان کے خلاف مقدمات درج کرائے۔

اعتزاز احسن نے کہا کہ تسنیم حیدر کا بیان میاں صاحب کیلئے بہت خطرناک ہے، لندن میں تو کارروائی ہوگی لیکن وزیرآباد میں بھی کیس چل سکتا ہے

ان کا مزید کہنا تھا کہ لندن سازش کے انکشاف کے بعد نواز شریف وطن واپسی کیلئے سو بار سوچیں گے۔

Comments

یہ بھی پڑھیں