اسلام آباد: پاکستان بھر میں اے ٹی ایم اور آن لائن بینکنگ کا استعمال کرنے والے صارفین کیلئے اہم خبر آگئی۔
تفصیلات کے مطابق کمپیوٹر ایمرجنسی رسپانس ٹیم نے اے ٹی ایم کی بندش اور آن لائن بینکنگ سے متعلق افواہوں کے بارے میں ایڈوائزری جاری کی اور اس افواہ کو گمراہ کن قرار دیا ہے۔
نیشنل کمپیوٹر ایمرجنسی رسپانس ٹیم نے جاری ایڈوائزری میں کہا کہ سوشل میڈیا پلیٹ فارمز پر گمراہ کن معلومات شیئر کی جارہی ہیں، بینکنگ انفرا اسٹرکچر میں بندش کا کوئی واقعہ رپورٹ نہیں ہوا، اور نہ ہی اے ٹی ایم اور آن لائن بینکنگ کو سائبر تھریٹ ملی ہے۔
Currency Rates in Pakistan Today- پاکستان میں آج ڈالر کی قیمت
ایڈوائزری میں کہا گیا ہے کہ لیکن احتیاط کے طور پر صارفین بینک ایپ کے استعمال کے بعد ایپ کو لاگ آؤٹ لازمی کریں، ساتھ ہی صارفین باقاعدگی سے بینک اسٹیٹمنٹس چیک کریں۔
نیشنل کمپیوٹر ایمرجنسی رسپانس ٹیم نے جاری ایڈوائزری میں مزید کہا گیا ہے کہ اےٹی ایم کارڈ پن، اوٹی پی اور یوزر آئی ڈی، پاسورڈ کسی سے شیئر نہ کریں۔
واضح رہے کہ واٹس ایپ سمیت سوشل میڈیا پر سائبر حملوں کے باعث اے ٹی ایمز کی 2 سے 3 روز تک بندش کی خبریں وائرل ہوئی تھیں۔
